तब जाके चान चमचमाइल

तब जाके चान चमचमाइल

By:
Posted: October 12, 2021
Category: कविता
Comments: 0

संगीत सुभाष

फँसरी की रसरी प झुलुहा समझि के,
जिअते जिनिगिया टंगाइल,
ए भइया! तब जाके चान चमचमाइल।

बिस्मिल, सुखदेव, भगत सिंह के जवानी।
असमय ओराइल, लिखाइल कहानी।
गूँजि गइल कन-कन से जयहिन्द के नारा
ठाँव-ठाँव खून से रंगाइल।
ए भइया!....


काँपि गइल अँगरेजी शासन डेराइल।
वीरन के टोली के बाढ़ि देखि आइल।
केसरिया फेटा कफन माथ बन्हले,
जनवाँ हथेली धराइल।
ए भइया!.....


झुकलें ना, रुकलें ना टुटलें मरदाना।
भारत हमार हऽ, सुनावत ई गाना।
दुश्मन की छाती पर भारत के जय लिखि के, रातदिन दलिया दराइल।
ए भइया!....


माथा झुकाईं अब उनुका चरन में।
सरबस लुटा दिहलें अपना परन में।
बूँन-बूँन रकते से सींचि गइलें बगिया,
देखलें जे पात कुम्हिलाइल।
ए भइया!....

 

 

Hey, like this? Why not share it with a buddy?

Related Posts

Leave a Reply

Your email address will not be published. Required fields are marked *


About us

भोजपुरी भाषा, साहित्य, संस्कृति  के सरंक्षण, संवर्धन अउर विकास खातिर, देश के दशा अउर दिशा बेहतर बनावे में भोजपुरियन के योगदान खातिर अउर नया प्रतिभा के मंच देवे खातिर समर्पित  बा हम भोजपुरिआ। हम मतलब हमनी के सब। सबकर साथ सबकर विकास।

भोजपुरी के थाती, भोजपुरी के धरोहर, भूलल बिसरल नींव के ईंट जइसन शख्सियत से राउर परिचय करावे के बा। ओह लोग के काम के सबका सोझा ले आवे के बा अउर नया पीढ़ी में भोजपुरी  खातिर रूचि पैदा करे के बा। नया-पुराना के बीच सेतु के काम करी भोजपुरिआ। देश-विदेश के भोजपुरियन के कनेक्ट करी भोजपरिआ। साँच कहीं त साझा उड़ान के नाम ह भोजपुरिआ।


Contact us



Newsletter

Your Name (required)

Your Email (required)

Subject

Your Message